Mari Thess
Mukhang may inihahandang sorpresa ang Asia’s Multimedia Star na si Alden Richards para sa kanyang mga tagahanga kasabay ng kanyang 10th anniversary sa showbiz.
Inanunsyo ito ni Alden sa pamamagitan ng isang Instagram post: “Malapit na tayong magkasama uli! Save the date: Dec 8! #AldensReality #AldenRoadToTen.”
Samantala, isa si Alden sa mga celebrity ambassador ng “Bida Ang May Disiplina” campaign ng Department of Interior and Local Government (DILG), Department of Health (DOH), at mga pribadong grupo. Ayon kay Alden, nais niyang magamit ang kanyang impluwensiya para makatulong na matuldukan ang COVID-19 crisis sa bansa. Layunin ng kampanya na ituro at ipaalala ang wastong pag-iingat laban sa virus.
