Matt Lozano, prayoridad ang pag-disinfect ng bahay matapos gumaling sa COVID-19

Ngayong naka-recover na mula sa COVID-19 ang Kapuso singer na si Matt Lozano, priority naman niya ang pag-sanitize ng kanilang bahay.

Sa latest YouTube vlog ni Matt, ipinasilip niya ang pag-disinfect ng isang team sa kanilang bahay, pati na rin sa kanyang online food business na Lozano’s Kitchen.
 
Ayon kay Matt, siniguro nilang maayos na madi-disinfect ang kanilang tahanan. Ito rin ay upang masimulan na muli ang kanilang negosyo. “We hired a close friend of my dad who happens to have a disinfecting services. We called him kasi nga gusto naming ma-disinfect ‘yung buong bahay namin para naman makapag-resume na kami at makapagluto na ulit sa Lozano’s Kitchen.”