Mari Thess
Nawindang at nagkagulo ang celebrity friends ni Lovi Poe nang makita ang kanyang movie poster kasama ang mga nagga-gwapuhang oppa! Ipinost ng Kapuso actress sa Instagram ang fan edit poster ng kanyang trending movie na ‘Hindi Tayo Pwede’ kung saan napagitnaan siya ng Korean stars na sina Ji Chang Wook at Park Seo Joon.
Biro pa ni Lovi sa kanyang caption, “Ba’t hindi? Pwedeng pwede! P.S. Nakapila naman ako ah…. to catch my latest movie. Ang funny ng edits n’yo! P.P.S. Paki add si Jung Hae-in sa next edit.”
Bentang-benta naman sa ilang artista ang naturang post gaya na lamang ni Yasmien Kurdi na humirit pang nahulog siya sa upuan kakatawa, “Nahulog ako sa upuan sis!”
Parehas na bibida sina Lovi at Yasmien sa pinakabagong offering ng GMA Drama team na ‘I Can See You’ na mapapanood sa Telebabad block ngayong Setyembre sa GMA-7!
