Delivery drivers ng app ni Dingdong, sumabak na sa training

Priority ng Kapuso Primetime King na si Dingdong Dantes na magkaroon ng kaalaman sa safety at kalusugan ang mga rider ng bago niyang delivery business na DingDong PH.

Kaya naman, isinabak niya sila sa first aid training para maging handa sa sakuna at emergency. 

Sa Instagram account ng DingDong PH, ibinahagi nila ang mga kaganapan sa nakaraang training session, “Pagdating sa safety, walang biro ang aming paghahanda. DingDong PH conducted a first aid training, so our first batch of riders will be ready in case of any emergency.

#DingDongPH #YouRingItWeBringIt”

Sa kasalukuyan, abala sa pagtulong sa mga apektado ng COVID-19 pandemic ang pamilya nina Dingdong at Marian Rivera. Saludo kami sa inyo, Kapuso!