Mari Thess
Maraming netizens ang napabilib ni Paolo Contis dahil sa husay niya sa pagpapatawa sa comedy film na ‘Pangarap Kong Holdap’ at pati na sa pagpapaiyak sa romantic comedy movie na ‘Through Night and Day.’
Kaya naman hindi nakakapagtakang nangunguna ngayon sa video streaming platform na Netflix at pinag-uusapan sa social media ang dalawang pelikula ni Paolo.
Masaya si Paolo na nabigyan ng pagkakataon ang maraming viewers na mapanood ang mga pelikula habang nasa bahay at naka-quarantine. Patunay din daw ito na kayang makipagsabayan ng local films sa mga foreign films and series na mapapanood sa Netflix.
Samantala, mapapanood naman ngayong Miyerkules (July 15), 8pm ang interview ni Paolo kina Geneva Cruz at Paco Arespacochaga sa online kumustahan na “Just In” sa GMA Network Facebook page at GMA Artist Center YouTube channel.
