Mari Thess
Good vibes ang hatid ng pinakabagong family picture na ibinahagi ni Solenn Heussaff kung saan nakaupo siya sa kandungan ng asawang si Nico Bolzico habang karga-karga ang kanilang baby girl na si Thylane.
Dahil nakasuot ng pulang shirt si Nico habang pulang shorts naman si Solenn, nakakalito sa unang tingin na tila ba’y naging legs ni Nico ang legs ng asawa. Bumuhos naman ang nakakaaliw na comments mula sa netizens na hindi maitanggi ang pagkalito sa family picture ng Kapuso actress, “This is one of those photos that you have to do a double look. Naguluhan ako kung nasaan ‘yung katawan ni Solenn.”
Samantala, may patikim naman si Solenn sa kanyang naging guesting sa ‘new normal’ taping ng morning talk show na Mars Pa More kasama ang hosts na sina Iya Villania at Camille Prats. Makikita sa Instagram story ni Solenn kung paano siya nag-tape para rito.
Nakaka-excite naman ang magaganap na chikahan at kwentuhan mula sa tatlong Kapuso mommies sa special episode na ito ng Mars Pa More para sa kanilang 1st anniversary sa darating na July 27, 8:50 ng umaga sa GMA Network.
