Eugene Domingo, niregaluhan ni Marian Rivera!

Nakatanggap ng napakagandang regalo ang award-winning actress at comedian na si Eugene Domingo mula sa Kapuso Primetime Queen na si Marian Rivera.

Ibinahagi ni Eugene sa Instagram ang inorder na bulaklak mula sa business ni Marian na ‘Flora Vida’ at hindi niya inaasahang may bonus na regalo pala itong kasama!

Aminado si Uge na bukod sa order ay marami pa siyang napupusuang bulaklak mula sa collections ni Marian. Kaya naman laking gulat at tuwa niya nang dumating ang order.

Aniya, “OMG. Marian sent me the one I wanted to buy — the Gypsophila but I was budgeting myself.” Dahil dito, pinuri naman ng ‘Dear Uge’ star si Marian, “@marianrivera, you are the most gracious and the sweetest. God bless you more, my dear.”