Mari Thess
Ibinahagi ng Kapuso couple na sina Pancho Magno at Max Collins na pamilya nilang itinuturing ang kanilang home network, ang GMA- 7.
Ito ay matapos nilang ikwento na proudest Kapuso moment nilang dalawa ang kanilang wedding.
Ayon kay Max, na-realize niya na present sa kanilang kasal ang lahat ng kanilang katrabaho at kakilala sa istasyon. Aniya, “Halos lahat ng ninongs and ninangs namin, from GMA. And doon namin na-realize na family din namin ‘yung GMA, literally.”
Sinegundahan naman ni Pancho ang rebelasyon ng kanyang asawa.
“Ako na-experience ko ‘to, sobrang memorable ng lahat ng shows, lalo na ‘yung mga tumagal na show. Hanggang ngayon nakakausap pa rin namin [yung co-actors and staff]. Nagiging part na kami ng wedding, binyag. It’s beyond being workmates,” pagbabahagi niya.
