Kristoffer Martin, ready na kayang magbalik-trabaho?

Aminado si Kristoffer Martin na may mga pangamba pa siya sa pagbabalik-trabaho ngayong general community quarantine (GCQ). 

Ipinahayag ng Kapuso actor ang kanyang opinyon tungkol sa “new normal” na kahaharapin ng publiko, partikular na lang ng mga artista, sa gitna ng COVID-19 pandemic. “Parang hindi pa tayo ready, kung lahat magsasabay-sabay ‘yung work. Kung ako ang tatanungin, natatakot pa ako,” lahad ni Kristoffer.

Gayunpaman, naniniwala siyang isasalang-alang ng network ang kanilang kaligtasan sakaling magbalik na sila sa taping. “I’m sure naman si GMA gagawin niya lahat ng safety precautions para ma-secure lahat ng mga tao na nando’n na safe. Alam naman naming hindi kami pababayaan ng network ‘pag nag-work,” dagdag pa niya.

Nagpasasalamat din si Kristoffer sa lahat ng frontliners na nakikipaglaban sa virus para sa kapakanan ng mas nakararami.