Mari Thess
Dahil sagana sa oras ngayon ang mga tao na stuck at home sa pagpapatuloy ng community quarantine, kani-kanyang paraan ang lahat para magpalipas-oras gaya ng Kapuso couple na sina Megan Young at Mikael Daez na pinagdiskitahan ang kanilang wedding photos.
Ayon sa dalawa, kasalukuyan daw nilang binubuklat ang kanilang wedding photos na halos umabot sa 10,000 files! Aliw naman ang netizens sa ipinost na photo ni Mikael kung saan tila natatakot na hinihiwa ni Megan ang kanilang wedding cake.
“I randomly clicked on one and told myself I’d post it so here it is… now I’m wondering, why was Boneezy so scared of cutting that delicious strawberry shortcake?? Maybe she realized she was cutting away her freedom,” ani Mikael.
Samantala, ibinahagi naman ni Megan ang cute na larawan nilang mag-asawa kasama ang aso nilang si Soba.
“Meanwhile, I’ll just share this photo that we took before we got ready for the reception. Soba was still so young! She looked like a little bear,” saad ni Megan.
Na-engage ang dalawa taong 2014 at nagpakasal nitong early January. Habang tigil muna sa taping ang pinagbibidahang serye ni Mikael na Love of my Life, kasalukuyang napapanood muli ang My Husband’s Lover sa timeslot nito sa GMA Telebabad.
