Mari Thess
Nagpakitang-gilas ang mga nag-gagandahang Kapuso actresses na sina Lovi Poe at Rhian Ramos sa sumunod na session ng ‘Bayanihan Musikahan’ para sa mga online viewers na live napanood sa Facebook noong Huwebes, 9:15 PM.
Magsisilbi rin itong fundraising event para sa mga urban poor families na apektado ng krisis na pinagdadaanan ng bansa ngayon na may COVID-19 pandemic. Katuwang ng GMA ang Philippine Business for Social Progress, Samahan ng Nagkakaisang Pamilyang Pantawid, Likhaan, at Caritas Manila sa event na ito.
Maaaring mag-donate ang mga manonood sa pamamagitan ng bank transfers at iba pang virtual wallets.
Nag-perform ang dalawa ng mga kantang makapag-bibigay ng pag-asa at inspirasyon para sa mga Pilipino, lalo na ngayon na may hinaharap tayong krisis pangkalusugan.
Nagpapasalamat naman sila sa lahat ng nakiisa at nagpa-abot ng tulong!
