Mari Thess
Masaya ang Prima Donnas stars na sina Sofia Pablo, Althea Ablan, at Elijah Alejo na kahit online man lang, nagkasama-sama sila ngayong hindi makapag-taping dahil sa enhanced community quarantine.
Sa kanilang Facebook livestream para sa #HealingHearts fundraising campaign, ikinuwento ni Elijah kung ano ang pinakanami-miss niya, “Nakaka-miss po mag-taping and nakaka-miss mag-bond personally sa mga nakakasama ko doon sa taping. Nakaka-miss din po ‘yung kakain po kami nang sabay-sabay kami nina Althea, Sofia sa iisang tent. ‘Yung mga kuwentuhan po, nakaka-miss.”
Habang nasa kani-kanilang bahay, ang pagluluto, paglilinis at paglalaba daw muna ang pinagkakaabalahan nina Sofia, Althea, at Elijah. Ipinagdarasal din nila ang mga apektado ng global na krisis na ito.
