Heart Evangelista, aminadong inaatake ng anxiety sa gitna ng quarantine

Hindi maiiwasan na makaramdam ng lungkot at pangamba ngayong may kinahaharap na matinding problema ang buong mundo. Nakadagdag pa ang matagal na pananatili sa tahanan kung kaya’t hindi mapigilan ang mag-isip ng kung anu-ano gaya na lamang ni Kapuso actress Heart Evangelista na isa lamang sa mga artistang umaming nakakaranas ng anxiety attacks sa gitna ng COVID-19. Sa kanyang Instagram, binahagi ni Heart na may mga araw na nahihirapan siyang labanan ito, “On some days, battling anxiety gets really tough. I just keep telling myself that as long as I keep pushing and fighting my demons, my happy heart will keep beating.”

Dagdag pa ni Heart, malaking tulong daw ang pagpipinta para mapakalma ang kanyang sarili. Bumuhos naman ang mga encouraging messages para kay Heart mula sa kanyang followers at fellow celebrities na sina Angelika dela Cruz, Iza Calzado, at Kristine Hermosa. Aktibo rin si Heart sa pamamahagi ng PPEs at relief goods sa mga frontliners at apektado ng COVID-19.