Mari Thess
Bagong libangan na talaga ng Descendants of the Sun (The Philippine Adaptation) actor na si Rocco Nacino ang pagtugtog ng saxophone. Kaya naman hindi pwedeng hindi niya tutugtugin ang official soundtrack ng Money Heist na “Bella Ciao.”
Sa kanyang Instagram post, ipinakita ni Rocco ang kanyang video habang pine-perform ang remix ng French DJ na si Hugel ng “Bella Ciao” na inawit ni Alvaro Morte. “Me after binge watching season 4 of Money Heist. Obviously had a blast watching! Naatat magsaxophone kaya puro sablay,” ani ni Rocco sa caption.
Bukod dito, pangangalaga sa kanyang pangangatawan ang isa pa sa pinagkakaabalahan ni Rocco. Dahil hindi pa siya maaaring lumabas at mag-gym, sa kanyang condominium unit at parking lot muna nag-workout si Rocco.
Pinaalalahanan niya rin ang netizens na huwag kalimutang maghugas ng kamay pagkatapos mag-exercise.
