in

Music videos ni Jayda Avanzado pasok sa International Film Festival Manhattan 2021

Pasok bilang official selection ang dalawang music video ng Kapamilya singer-songwriter na si Jayda sa Best Music Video category ng International Film Festival Manhattan (IFFM) Autumn 2021.

Unang pagsabak ni Jayda sa pagdidirek ang music video para sa “Paano Kung Naging Tayo?,” habang co-director naman siya ng music video ng “M.U. (Malabong Usapan)” kasama si Edrex Clyde Sanchez.

Sa Instagram, nagpasalamat ang Star Magic artist at RISE Artists Studio talent sa label niyang Star Music at kay ABS-CBN Music head Roxy Liquigan. “Thank you for your belief in me and for giving me a chance and platform to expand my creative horizons and to keep challenging myself as an artist and a creator!”


Gaganapin ang screening ng IFFM Autumn Festival 2021 online mula Oktubre 14 hanggang 17 at live sa Oktubre 16 sa Producers Club sa New York City.

Panoorin ang music video ng “Paano Kung Naging Tayo?” at “M.U. (Malabong Usapan)” sa ABS-CBN Star Music YouTube channel. Para sa iba pang detalye, i-like ang Star Music sa Facebook (www.facebook.com/starmusicph) at sundan ito sa Twitter at Instagram (@StarMusicPH).