Mari Thess
Tuluy-tuloy ang pagtulong ng ilang Kapuso stars para sa mga kababayan nating apektado ng COVID-19, at isa na dyan ang international singing sensation na si Aicelle Santos. Sa kanyang Instagram stories, ipinost ng ‘Centerstage’ judge ang ‘PEDIKABAYAN’, isang fundraiser para sa mga pedicab driver ng Intramuros na nawalan ng trabaho habang naka-quarantine.
Layon ng proyektong ito na makapagbigay sa kanila ng relief goods gaya ng rice, milk, coffee, noodles, biscuits, at canned goods.
“Tulong para sa ating mga kapatid na pedicab drivers,” ang maikling panawagan ni Aicelle.
Kasama rin sa post niya kung saan maaaring mag-donate ang mga nais tumulong.
